我愛大貓豬

係哩個世界上有一隻貓叫 "大貓豬"

佢全身白雪雪，皮下盡是脂肪

佢叫聲好大，食量好大，便便好臭好大

佢同我家既"堅強" "勇敢"唔係好相處到

或者應該話，係"堅強" "勇敢"同佢唔係好相處到

大貓豬哩兩日都攤係個鞋盒裡面訓覺

每次我返黎見到佢，都忍唔住手要同佢玩兩野

大貓豬係四年前我係屋企樓下執返黎既安哥拉貓

有時候不得不相信人同每樣事或物都有一種特別既緣份

就好似大貓豬咁

雖然四年前我已經將佢轉送左俾朋友

但朋友依舊會每年送佢返黎渡假一兩次

每次同大貓豬共聚既一兩個星期

都係我非常快樂的時光！

I Love大貓豬！